ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន នារសៀលម៉ោងជាង២ ថ្ងៃទី១៧ ខែកុម្ភៈ ឆ្នាំ២០២៣ បានបង្ហោះរូបថតមួយសន្លឹកកាលពីសម្តេចនៅវ័យកណ្តាល ប៉ុន្តែសម្តេចមិនចាំថារូបថតនោះថតនៅពេលណា និងថតនៅកន្លែងណាឡើយ។
សម្តេចតេជោបានសរសេរសារក្នុងហ្វេសប៊ុកផ្លូវការដូច្នេះថា៖ «ទើបឃើញរូបមួយសន្លឹកទៀតមិនដឹងថាថតនៅពេលណានិងកន្លែងណា? តែអ្វីដែលច្បាស់គឺនៅក្មេងសក់នៅខ្មៅ»។
សម្តេចតេជោបន្ថែមថា៖ «ឯរូបកាយមិនស្អាតតែក៍មិនអាក្រក់ពេកដែរល្មមតែប្រពន្ធខ្ញុំស្រឡាញ់ព្រោះប្រពន្ធខ្ញុំចាត់ទុកថាខ្ញុំជាបុរសសង្ហានិងស្អាតជាងគេសម្រាប់គាត់ទើបគាត់ទទួលយកខ្ញុំជាប្តី។ ចំណែកខ្ញុំចាត់ទុកប្រពន្ធខ្ញុំជាស្រីស្អាតជាងគេលើលោកនេះទើបខ្ញុំយកគាត់ធ្វើជាប្រពន្ធដែរ។ រីករាយចុងសប្តាហ៍»៕
